loader
ಔಟ್‍ರೀಚ್ ಹೋಮ್‍ಪೇಜಿಗೆ ಹಿಂದಿರುಗಿ

“ಕಾವೇರಿ” ಪದದ ಅಕ್ಷರಶಃ ಅರ್ಥ “ಸಮೃದ್ಧಿಯನ್ನು ತರುವವಳು” ಎಂದು. ಆದರೆ ಒಂದು ಸಮಯದಲ್ಲಿ ಸಮೃದ್ಧಿಯಿಂದ ಭೋರ್ಗರೆಯುತ್ತಿದ್ದ ಈಕೆ ಇಂದು ಕಳೆಗುಂದಿದ್ದಾಳೆ.

ಕಳೆದ ವರ್ಷದಲ್ಲಿ, ತಮಿಳುನಾಡು ಹಾಗೂ ಕರ್ನಾಟಕದ ರೈತರ ಬವಣೆ ಮತ್ತು ಆತ್ಮಹತ್ಯೆಗಳು ರಾಷ್ಟೀಯ ಸುದ್ದಿಗಳಾದವು. ಕಾವೇರಿಯ ಕ್ಷೀಣಿಸುವಿಕೆ ಹಾಗೂ ರೈತರ ಸಂಕಷ್ಟಗಳರಡೂ ಒಂದೇ ಸಮಸ್ಯೆಯ ಎರಡು ಮುಖಗಳು.

one-problem-two-faces

ಬರಿದಾಗುತ್ತಿರುವ ಕಾವೇರಿ

  • ಕಾವೇರಿಯು ಕಳೆದ 70 ವರ್ಷಗಳಲ್ಲಿ 39% ಕ್ಷೀಣಿಸಿದ್ದಾಳೆ.
  • ನದಿಯ ಜಲಾನಯನ ಪ್ರದೇಶದ 87% ಮರಗಳು ಮಾಯವಾಗಿ ಹೋಗಿವೆ.
  • ಬೇಸಿಗೆಯಲ್ಲಿ ಕಾವೇರಿಯು ಸಮುದ್ರವನ್ನೂ ತಲುಪುತ್ತಿಲ್ಲ.
  • ವರ್ಷದ ಹಲವಾರು ತಿಂಗಳು ಬತ್ತಿಹೋದ, ಮರಳುಗಾಡಿನಂತಿರುವ ನದಿಯ ತಳವಷ್ಟೇ ಲಕ್ಷಾಂತರ ಜನರಿಗೆ ಈಗ ನೋಡಲು ಸಿಗುವುದು.

 

ರೈತರ ಬಿಕ್ಕಟ್ಟು

  • ತಮಿಳುನಾಡಿನ 83% ರೈತರು ಮತ್ತು ಕರ್ನಾಟಕದ 77% ರೈತರು ಸಾಲದ ಸುಳಿಯಲ್ಲಿದ್ದಾರೆ.
  • ಕರ್ನಾಟಕದಲ್ಲಿ ಕಳೆದ 18 ವರ್ಷಗಳಲ್ಲಿ 15 ವರ್ಷಗಳು ಬರಪೀಡಿತವಾಗಿದ್ದವು.
  • 2019 ರಲ್ಲಿ ತಮಿಳುನಾಡಿನ 17 ಜಿಲ್ಲೆಗಳು ಬರಪೀಡಿತ ಸ್ಥಿತಿಯಲ್ಲಿವೆ.
  • ಕಾವೇರಿ ಜಲಾನಯನ ಪ್ರದೇಶದ ಅರ್ಧದಷ್ಟು ಭಾಗ ತೀವ್ರವಾದ ಅಂತರ್ಜಲದ ಇಳಿಕೆಯಿಂದ ಬಳಲುತ್ತಿದೆ.
ಕಾವೇರಿಯ ಸಂರಕ್ಷಣೆ

ಕಾವೇರಿ ನದಿಯು ಏಕೆ ಸಾವಿನ ಅಂಚಿನಲ್ಲಿದೆ?

ಎಲ್ಲ ಭಾರತೀಯ ನದಿಗಳಂತೆ ಕಾವೇರಿಯು ಕೂಡ ಅರಣ್ಯಪೋಷಿತ ನದಿ. ಐತಿಹಾಸಿಕವಾಗಿ ಈ ಪ್ರಾಂತ್ಯವೆಲ್ಲ ಅರಣ್ಯ ಹಾಗೂ ಗಿಡಮರಗಳಿಂದ ಆವೃತವಾಗಿತ್ತು. ಪ್ರಾಣಿಗಳ ಗೊಬ್ಬರ ಹಾಗೂ ಗಿಡಮರಗಳ ತ್ಯಾಜ್ಯಗಳಿಂದ ಆ ಪ್ರಾಂತ್ಯದ ಮಣ್ಣಿಗೆ ನಿರಂತರವಾಗಿ ಪೌಷ್ಟಿಕಾಂಶಗಳು ಮತ್ತು ಜೈವಿಕ ಪದಾರ್ಥ ಮರುಪೂರೈಕೆಯಾಗುತ್ತಿತ್ತು.

ಮರಗಳು ಕಣ್ಮರೆಯಾದಂತೆ ...
ಬೆಳೆಯುತ್ತಿರುವ ಮಾನವ ಜನಸಂಖ್ಯೆ ಮತ್ತು ಅಸಮರ್ಥ ಕೃಷಿ ಪದ್ಧತಿಗಳು ಹಸಿರು ಹೊದಿಕೆಯ ತೀವ್ರತರ ನಾಶಕ್ಕೆ ಕಾರಣವಾಗಿವೆ ಮತ್ತು ಮಣ್ಣಲ್ಲಿ ಸಾಕಷ್ಟು ಫಲವತ್ತತೆ ಈಗಿಲ್ಲ. ಮಣ್ಣು ನೀರನ್ನು ಸಮರ್ಥವಾಗಿ ಹೀರಿಕೊಳ್ಳುತ್ತಿಲ್ಲ, ಬದಲಿಗೆ ಅದು ಸವೆತಕ್ಕೆ ಒಳಗಾಗುತ್ತದೆ. ನೀರನ್ನು ಉಳಿಸಿಕೊಳ್ಳುವ ಸಾಮರ್ಥ್ಯವನ್ನು ಕಳೆದುಕೊಂಡಿರುವ ಮಣ್ಣಿಗೆ ಕಾವೇರಿಯ ಹರಿವನ್ನು ಉಳಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಪರಿಣಾಮವಾಗಿ, ನದಿ ಬತ್ತುತ್ತಿದೆ. ಇಂಗುತ್ತಿರುವು ನೀರು ಮತ್ತು ಬಿಕ್ಕಟ್ಟನ್ನು ಎದುರಿಸುತ್ತಿರುವ ಮಣ್ಣು ನಮ್ಮ ರೈತರಿಗೆ ಭಾರಿ ಹೊಡೆತವನ್ನು ನೀಡುತ್ತಿದೆ. ಇದರಿಂದ ಅವರು ವಿಫಲವಾದ ಫಸಲು ಮತ್ತು ಸಾಲದ ಭಾರದಿಂದ ನರಳುತ್ತಿದ್ದಾರೆ.

save-river

ಕಾವೇರಿಯ ಸಂರಕ್ಷಣೆ

ಈ ಭೀಕರ ಪರಿಸ್ಥಿತಿಯನ್ನು ಹಿಮ್ಮುಖವಾಗಿಸಲು, ಕಾವೇರಿಯನ್ನು ಪುನರುಜ್ಜೀವನಗೊಳಿಸಲು, ಮಣ್ಣನ್ನು ಪುನಶ್ಚೇತನಗೊಳಿಸಲು ಮತ್ತು ರೈತರ ಆದಾಯವನ್ನು ಸುಧಾರಿಸಲು, ಕಾವೇರಿ ಕೂಗು ಅಭಿಯಾನವು 242 ಕೋಟಿ ಮರಗಳನ್ನು ನೆಡಲು ರೈತರಿಗೆ ಸಹಾಯ ಮಾಡುತ್ತದೆ.

ಈ 242 ಕೋಟಿ ಮರಗಳು ಕಾವೇರಿ ಜಲಾನಯನ ಪ್ರದೇಶದಲ್ಲಿ ನೀರನ್ನು ಇಂಗಿಸುವ ಸಾಮರ್ಥ್ಯವನ್ನು ಸುಮಾರು 40% ವೃದ್ಧಿಸುತ್ತದೆ ಎಂದು ಅಂದಾಜಿಸಲಾಗಿದೆ.

ರ‍್ಯಾಲೀ ಫಾರ್ ರಿವರ್ಸ್(ನದಿಗಳನ್ನು ರಕ್ಷಿಸಿ)

ರ‍್ಯಾಲೀ ಫಾರ್ ರಿವರ್ಸ್ ಎಂಬುದು ಭಾರತದ ಜೀವಸೆಲೆಗಳನ್ನು ಉಳಿಸುವ ಒಂದು ಆಂದೋಲನವಾಗಿದೆ. 162 ದಶಲಕ್ಷಕ್ಕೂ ಹೆಚ್ಚು ಜನರಿಂದ ಬೆಂಬಲಿತವಾಗಿರುವ ಈ ಆಂದೋಲನವು ಇಂದು ವಿಶ್ವದ ಅತಿದೊಡ್ಡ ಪರಿಸರ ಚಳುವಳಿಯಾಗಿದೆ. ನಮ್ಮ ನದಿಗಳ ದುಸ್ಥಿತಿಯ ಬಗ್ಗೆ ಜಾಗೃತಿ ಮೂಡಿಸಲು ಸದ್ಗುರುಗಳು ತಾವೇ 9300 ಕಿ.ಮೀ. ಡ್ರೈವ್ ಮಾಡುವ ಮೂಲಕ ರ‍್ಯಾಲೀ ಫಾರ್ ರಿವರ್ಸ್-ಗೆ ಚಾಲನೆ ನೀಡಿದರು. ರ‍್ಯಾಲೀ ಫಾರ್ ರಿವರ್ಸ್ ಭಾರತದ ನದಿಗಳನ್ನು ಉಳಿಸಲು ಸಮಗ್ರ ಪರಿಹಾರವನ್ನು ಒದಗಿಸುತ್ತದೆ, ಮತ್ತು ಅದರ ರಚನೆಯಲ್ಲಿ ಗಮನಾರ್ಹವಾದ ಪರಿಸರ ಪರಿಣಾಮವನ್ನು ಹೊಂದಿರುವ ಆರ್ಥಿಕ ಕಾರ್ಯಕ್ರಮವಾಗಿದೆ.

ಮತ್ತಷ್ಟು ತಿಳಿಯಿರಿ